2015 jylǵy 11 aqpan, Astana qalasy
Sý aıdyndaryn halyqaralyq jáne respýblıkalyq mańyzy bar sýly-batpaqty alqaptarǵa jatqyzý qaǵıdalaryn bekitý týraly
Qazaqstan Respýblıkasynyń 2004 jylǵy 9 shildedegi «Janýarlar dúnıesin qorǵaý, ósimin molaıtý jáne paıdalaný týraly» Zańynyń 9-baby 1-tarmaǵynyń 45) tarmaqshasyna sáıkes, buıyramyn:
1. Qosa berilip otyrǵan Sý aıdyndaryn halyqaralyq jáne respýblıkalyq mańyzy bar sýly-batpaqty alqaptarǵa jatqyzý qaǵıdalaryn bekitilsin.
2. Qazaqstan Respýblıkasy Aýyl sharýashylyǵy mınıstrliginiń Orman sharýashylyǵy jáne janýarlar dúnıesi komıteti mynalardy:
1) Qazaqstan Respýblıkasynyń Ádilet mınıstrliginde osy buıryqtyń memlekettik tirkelýin;
2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kún ishinde onyń kóshirmesin merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberilýin;
3) osy buıryqty Qazaqstan Respýblıkasy Aýyl sharýashylyǵy mınıstrliginiń ınternet-resýrsynda ornalastyrýyn qamtamasyz etsin.
3. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Mınıstr A.MAMYTBEKOV.
Qazaqstan Respýblıkasy Aýyl sharýashylyǵy mınıstriniń 2015 jylǵy 11 aqpandaǵy
№18-03/94 buıryǵymen bekitilgen
Sý aıdyndaryn halyqaralyq jáne respýblıkalyq mańyzy
bar sýly-batpaqty alqaptarǵa jatqyzý qaǵıdalary
1. Jalpy erejeler
1. Osy Sý aıdyndaryn halyqaralyq jáne respýblıkalyq mańyzy bar sýly-batpaqty alqaptarǵa jatqyzý qaǵıdalary (budan ári – Qaǵıda) Qazaqstan Respýblıkasynyń 2004 jylǵy 9 shildedegi «Janýarlar dúnıesin qorgaý, ósimin molaıtý jáne paıdalaný týraly» Zańynyń (budan ári – Zań) 9-baby 1-tarmaǵynyń 45) tarmaqshasyna sáıkes ázirlendi jáne sý aıdyndaryn halyqaralyq jáne respýblıkalyq mańyzy bar sýly-batpaqty alqaptarǵa jatqyzý tártibin aıqyndaıdy.
2. Osy Qaǵıdada mynadaı uǵymdar paıdalanylady:
1) aýmaqtyq bólimsheler – Qazaqstan Respýblıkasy Aýyl sharýashylyǵy mınıstrligi Orman sharýashylyǵy jáne janýarlar dúnıesi komıtetiniń aýmaqtyq bólimsheleri;
2) vedomstvo – Qazaqstan Respýblıkasy Aýyl sharýashylyǵy mınıstrliginiń Orman sharýashylyǵy jáne janýarlar dúnıesi komıteti;
3) sýly-batpaqty alqaptar – janýarlardyń sırek kezdesetin jáne joıylyp ketý qaýipi tóngen túrlerin qosa alǵanda, sý tóńiregin mekendeıtin túrleri jappaı mekendeıtin, uıa salatyn, ósimin molaıtatyn oryndar bolyp tabylatyn tabıǵı (sý qaıtqan kezde tereńdigi alty metrden asatyn akvatorııalardy qospaǵanda) jáne jasandy akvatorııler;
4) Ramsar konvensııasy – Eń aldymen sýda júzetin qustardyń tirshilik etý orny retinde halyqaralyq mańyzy bar sýly-batpaqty alqaptar týraly konvensııa, oǵan Qazaqstan Respýblıkasy «Qazaqstan Respýblıkasynyń Eń aldymen sýda júzetin qustardyń tirshilik etý orny retinde halyqaralyq mańyzy bar sýly-batpaqty alqaptar týraly konvensııaǵa (oǵan 1982 jylǵy 3 jeltoqsandaǵy Parıj hattamasymen engizilgen túzetýlermen jáne 1987 jylǵy 28 mamyrda Rejınde engizilgen túzetýlermen) qosylýy týraly» Qazaqstan Respýblıkasynyń 2005 jylǵy 13 jeltoqsandaǵy Zańyna sáıkes qosylǵan bolatyn;
5) Ramsar konvensııasynyń sekretarıaty – Tabıǵat pen tabıǵı resýrstardy qorǵaý jónindegi halyqaralyq odaq Ramsar konvensııasy júkteıtin turaqty jumys isteıtin bıýronyń mindetterin oryndaıdy;
6) ýákiletti organ – Qazaqstan Respýblıkasy Aýyl sharýashylyǵy mınıstrligi.
2. Sý aıdyndaryn halyqaralyq mańyzy bar sýly-batpaqty alqaptarǵa jatqyzý tártibi
3. Sý aıdyndaryn halyqaralyq mańyzy bar sýly-batpaqty alqaptarǵa jatqyzý úshin aýmaqtyq bólimsheler sý aıdyndaryn myna ólshemderge sáıkestigine tekserýdi uıymdastyrady:
1) sýly-batpaqty ekojúıelerdiń tıisti bıogeografııalyq óńir úshin etalondy, sırek kezdesetin nemese biregeı túriniń mysaly bolyp tabylady jáne tabıǵı kúıde nemese tabıǵı kúıge jaqyn ahýalda bolady;
2) osal nemese joıylyp ketý qaýpi tóngen túrlerdiń nemese qaýymdastyqtardyń tirshilik etýin saqtaıdy;
3) tıisti bıogeografııalyq óńirdiń bıologııalyq ártúrliligin saqtaý úshin mańyzy zor ósimdikter jáne (nemese) janýarlar taralymdarynyń tirshilik etýin qamtamasyz etedi;
4) ózderiniń bıologııalyq sıklynyń qaýipti satysyndaǵy ósimdikter jáne (nemese) janýarlar túrleri mekendeıtin oryn bolyp tabylady nemese qolaısyz aýa raıy jaǵdaılarynda olardyń boı tasalaýyn qamtamasyz etedi;
5) keminde jıyrma myń sý qustarynyń tirshilik etýine udaıy qoldaý jasaıdy;
6) sý qustarynyń áldeqandaı túri nemese túrshesi taralymyndaǵy daraqtardyń bir paıyzy tirshilik etýine udaıy qoldaý jasaıdy;
7) balyqtardyń jergilikti túrsheleri, túrleri nemese tuqymdastary ókilderiniń edáýir mólsheriniń, olardyń bıologııalyq sıkly satylarynyń tirshilik etýin, sýly-batpaqty alqaptyń ekologııalyq jáne (nemese) ekonomıkalyq qundylyǵynyń ındıkatorlary bolyp tabylatyn túrlerdiń jáne (nemese) taralymdardyń ózara árekettesýin qamtamasyz etedi;
8) balyqtar úshin mańyzdy azyq kózi, ýyldyryq shashatyn oryn, balyq pıtomnıgi bolyp tabylady jáne (nemese) jylystaý jolynda jatyr.
4. Tekserý nátıjeleri boıynsha aýmaqtyq bólimsheler vedomstvoǵa sý aıdyndaryn halyqaralyq mańyzy bar sýly-batpaqty alqaptarǵa engizý týraly usynys engizedi.
5. Aýmaqtyq bólimshelerdiń usynystaryn qaraý qorytyndylary boıynsha vedomstvo dıplomatııalyq arnalar arqyly Ramsar konvensııasynyń Sekretarıatyna sý aıdyndaryn halyqaralyq mańyzy bar sýly-batpaqty alqaptarǵa engizý úshin olardyń tizimin jiberedi.
6. Ramsar konvensııasynyń Hatshylyǵy sý aıdyndarynyń tizbesin halyqaralyq mańyzy bar sýly-batpaqty alqaptardyń tizimine engizý úshin olardy maquldaǵannan keıin ýákiletti organ Zańnyń 9-baby 1-tarmaǵynyń 18) tarmaqshasyna sáıkes halyqaralyq mańyzy bar sýly-batpaqty alqaptardyń tizimin bekitedi ne qoldanystaǵy tizimge ózgerister men tolyqtyrýlar engizedi.
3. Sý aıdyndaryn respýblıkalyq mańyzy bar sýly-batpaqty alqaptarǵa jatqyzý tártibi
7. Sý aıdyndaryn respýblıkalyq mańyzy bar sýly-batpaqty alqaptarǵa jatqyzý úshin aýmaqtyq bólimsheler sý aıdyndaryn myna ólshemderge sáıkestigine tekserý uıymdastyrady:
1) keminde on myń sý qustarynyń tirshilik etýine udaıy qoldaý jasaıdy;
2) toptasyp jınalatyn sýda júzetin qustar men sý tóńiregin mekendeıtin qustardyń bıogeografııalyq taralymynyń keminde bir paıyzy mekendeıtin oryn bolyp tabylady.
8. Tekserý nátıjeleri boıynsha aýmaqtyq bólimsheler sý aıdyndaryn respýblıkalyq mańyzy bar sýly-batpaqty alqaptarǵa engizý týraly usynys engizedi.
9. Aýmaqtyq bólimshelerdiń usynystaryn qaraý qorytyndylary boıynsha ýákiletti organ Zańnyń 9-baby 1-tarmaǵynyń 18) tarmaqshasyna sáıkes respýblıkalyq mańyzy bar sýly-batpaqty alqaptar tizimin bekitedi ne qoldanystaǵy tizimge ózgerister men tolyqtyrýlar engizedi.
Buıryq Qazaqstan Respýblıkasynyń Ádilet mınıstrliginde 2015 jylǵy 16 naýryzdaǵy Normatıvtik quqyqtyq kesimderdi memlekettik tirkeýdiń tizilimine №10441 bolyp engizildi.